ДУНЁДА
04.07.20

• Канадада коронавирус пандемиясига қарши ўз жонини хатарга қўйиб кураш олиб бораётган ва шундай оғир вақтда ҳам Канада аҳолисини энг зарур маҳсулотлар билан таъминлаётган шифокорлар, кўнгиллилар, озиқ-овқат дўконлари ходимлари ва бошқа ишчилар шарафига махсус танга чиқарилди. Танганинг бир томонида Канада рамзи ҳисобланган заранг дарахти барги билан кесишган юрак тасвири туширилган. Иккинчи томонида эса катта юрак ўртасида қучоқлашиб турган одамлар гуруҳи акс этган. Тасвирнинг тагида мамлакатнинг расмий тили ҳисобланган инглиз ва французчада «Раҳмат» сўзи туширилган. Ушбу танганинг нархи 9 канада доллари ва 95 цент (тахминан 7,5 АҚШ доллари). Тангани фақат онлайн тарзда буюртма бериб харид қилиш мумкин. Тангаларни сотишдан тушган маблағ Канаданинг коронавирусга қарши кураш бўйича хайрия фондига ўтказилади.

• Нур-Султондаги Миллий мудофаа университетида Қозоғистон биринчи президенти Нурсултон Назарбоевнинг монументи очилди, дея хабар беради мамлакат президенти расмий сайти. Қасим-Жомарт Тоқаев очилиш маросимида онлайн режимида иштирок этди. Унинг айтишича, Миллий мудофаа университетида ҳайкал ўрнатилиши чуқур рамзий аҳамият касб этади, чунки Қозоғистон Қуролли Кучлари айнан мамлакат мудофаа қобилиятининг мустаҳкамланишга катта эътибор қаратиб келган Назарбоев фармони билан ташкил этилган. Тоқаев мамлакатнинг стратегик йўлини белгилаб берган ва халқни жипслаштирган Назарбоевни замонавий Қозоғистон асосчиси дея таърифлади. «Тинчлик ва барқарорлик, фаровонлик ва бирлик – бу Елбаси сиёсати самарасидир. Ҳар бир давлат тарихида ўзидан беқиёс из қолдирган ноёб шахслар бўлади. Ўсиб келаётган авлод олдидаги бурч - уларнинг хизматларини қадрлаш ва ҳурмат қилишдан иборат», – деди президент.

« Back

Муносабат 31.07.2020 12:33

Адолат қўрғонига айланишида муҳим қадам

Мамлакатимизда барча соҳаларда амалга оширилаётгани каби суд-ҳуқуқ соҳасида ҳам изчил ислоҳотлар олиб борилмоқда.

Давлатимиз раҳбари ташаббуси билан ишлаб чиқилган “Ҳаракатлар стратегияси” Дастурида белгиланган суд-ҳуқуқ соҳасидаги вазифаларни амалга ошириш, фуқароларнинг одил судловга эришиш даражасини юксалтириш, ишларни судда кўриш сифатини ошириш ҳамда холис, адолатли ва қонуний суд қарорларини қабул қилиш мақсадида яқинда Президентимизнинг “Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида”ги  Фармони қабул қилинди.

Ушбу Фармонга асосан суд ҳимоясини таъминлашдаги ортиқча оворагарчиликларни бартараф этиш мақсадида суд тизимида 2021 йил 1 январдан бошлаб вилоят ва унга тенглаштирилган фуқаролик ишлари бўйича, жиноят ишлари бўйича ва иқтисодий судлар негизида судьяларнинг қатъий ихтисослашувини сақлаб қолган ва суд ишларини юритиш турлари бўйича алоҳида судлов ҳайъатларини ташкил этган ҳолда Қорақалпоғистон Республикаси, вилоятлар ва Тошкент шаҳар умумюрисдикция судларини ташкил этиш белгиланди.

Қорақалпоғистон Республикаси, вилоятлар ва Тошкент шаҳар судларида ҳозирги кунда фаолият олиб бораётган тузилма бир қатор муаммоларни келтириб чиқармоқда. Яъни, ҳар бир вилоятда жиноят, фуқаролик ва иқтисодий судларнинг алоҳида-алоҳида фаолият юритиши, бир-биридан мустақил иш кўриши фуқароларни ва судга мурожаат билан келган бошқа шахсларни бир суддан иккинчисига қатнаб сарсон бўлишига сабаб бўлмоқда. Табиийки, бу турли норозилик, судга бўлган ишончсизликни келтириб чиқаради.

Бир сўз билан айтганда мазкур Фармон суд ҳимоясини таъминлашдаги ортиқча бюрократик тўсиқларни олиб ташлаш, суд органларининг амалдаги тузилишини замон талаблари ва халқаро стандартларга мувофиқ қайта қуриш, судьяларнинг мақоми, уларнинг мустақиллиги кафолатларини кучайтириш борасида муҳим Фармондир. Бу эса келгусида судларнинг чинакам адолат қўрғонига айланишида муҳим қадамлардан бўлиб хизмат қилади.

Ж.Курбанов,
Тошкент шаҳар Учтепа туман маъмурий суди раиси