« Back

“Интеллектуал мулк консультатив маркази” 17.10.2019 14:14

ТЕХНОЛОГИЯЛАР ВА ИННОВАЦИЯЛАРНИ ҚЎЛЛАБ-ҚУВВАТЛАШ МАРКАЗИ ТАШКИЛ ЭТИЛДИ

Ўзбекистон Республикаси Адлия вазирлиги ҳузуридаги Интеллектуал мулк агентлиги билан ҳамкорликда Ўзбекистон Миллий университетида Технологиялар ва инновацияларни қўллаб-қувватлаш маркази ташкил этиш бўйича учрашув ўтказилди.

Унда Ўзбекистон Республикаси Адлия вазирлиги ҳузуридаги Интеллектуал мулк агентлиги директор ўринбосари Баҳодир Сагдуллаев, Интеллектуал мулк агентлиги “Интеллектуал мулк консультатив маркази” давлат унитар корхонаси директори Мехриддин Мансуров, Интеллектуал мулк агентлиги бўлим бошлиғи Абдужалил Ўринбоев, Ўзбекистон Миллий университет ректори Аваз Марахимов, илмий ишлар ва инновациялар бўйича проректор ўолибжон Ботиров, “Интеллектуал мулк консультатив маркази” давлат унитар корхонаси Технологиялар ва инновацияларни қўллаб-қувватлаш марказлари фаолиятини мувофиқлаштириш бўлими бошлиғи Суннатилла Рахмонов ҳамда профессор-ўқитувчилар, докторантлар иштирок этди.

Ўзбекистон Республикасида Технологиялар ва инновацияларни қўллаб-қувватлаш марказларини ташкил этиш бўйича фаолият 2017 йил 6 октябрда Ўзбекистон Интеллектуал мулк агентлиги ҳамда Бутунжаҳон интеллектуал мулк ташкилоти ўртасида тузилган “Ўзбекистон Республикасида Технологиялар ва инновацияларни қўллаб-қувватлаш марказларини ташкил этиш бўйича Меморандум”га, шунингдек, Ўзбекистон Республикаси Президентининг 2017 йил 1 ноябрдаги “Илмий-тадқиқот муассасаларининг инфратузилмасини янада мустаҳкамлаш ва инновацион фаолиятини ривожлантириш чора-тадбирлари тўғрисида”га қарорига мувофиқ амалга ошириб келинмоқда.

Мирзо Улуғбек номидаги Ўзбекистон Миллий Университетда Технологиялар ва инновацияларни қўллаб-қувватлаш маркази ташкил этилишидан кўзланган мақсад интеллектуал мулк соҳасига оид конференциялар, ўқув семинар-тренингларни ўтказиш, шунингдек, илмий-методик ҳамда ахборот материалларини тар­қатиш орқали жамиятда интеллектуал фаолият натижаларидан фойдаланиш ва уларни ҳуқуқий муҳофаза қилиш масалаларини ташвиқот қилиш ҳамда оммалаштириш; ишланмалар муаллифларининг интеллектуал мулк соҳасига оид махсус маълумотлар базалари ва бошқа ахборот ресурсларидан янада кенгроқ фойдаланишини таъминлаш; интеллектуал фаолият натижаларини яратиш, улардан фойдаланиш ва ҳуқуқий муҳофаза қилиш масалалари бўйича маслаҳат бериш; ишланмалар муаллифларининг патент тадқиқотларини ўтказиши, ўз ишланмаларини тижоратлаштиришда патент маълумотларидан фойдаланиши учун зарур кўникмалар шакллантириш орқали илмий-техник ишланмалар самарадорлигини оширишдан иборатдир.

Тадбирда бу ва бошқа масалалар муҳокма қилинди.

Зарина РУСТАМОВА